„შექმნა ღმერთმა კაცი, თავის ხატად შექმნა იგი, მამაკაცად და დედაკაცად შექმნა ისინი.“ (დაბადების 1:27)

ქრისტიანული რწმენის ერთ-ერთი უდიდესი მოძღვრება გახლავთ ის, რასაც თეოლოგი ერიხ საუერი „ადამიანის კეთილშობილებას“ უწოდებს. ჩვენ ღვთის მსგავსად ვართ შექმნილნი და სწორედ ეს გამოარჩევს კაცობრიობას დანარჩენი ქმნილებისგან.

ადამიანები თხზავენ სიმფონიებს, წერენ რომანებს, იგონებენ დახვეწილ ხელსაწყოებს და იკვლევენ სამყაროს იდუმალ სიღრმეთ. ჩვენ ღვთაებრივი შემოქმედებითობის გამომხატველნი ვართ ჩვენი ცხოვრების ყოველ სფეროში. ყველაზე მაღალგანვითარებული პრიმატებიც კი ძალიან შორს არიან იმ დიდებისგან, რაც ღმერთმა ჩადო ადამიანთა მოდგმაში.

ყველა ქალი და მამაკაცი შექმნილია ღვთის ხატად. ეს ჭეშმარიტება ქმნის საფუძველს დასავლეთის ცივილიზაციისათვის. ეს ანიჭებს ფასეულობასა და ღირსებას თითოეულ ადამიანს და მოითხოვს მათდამი პატივისცემით მოპყრობას, ვითარცა თანასწორისადმი, მიუხედავად ეროვნების, რელიგიისა თუ სქესისა. ეს გამოარჩევს ბიბლიურ რწმენასა და მსოფლმხედველობას სხვა რელიგიათაგან.

რა არის იმაზე გასაოცარი, რომ ჩვენმა შემოქმედმა ღმერთმა ჩვენ განსაკუთრებული დანიშნულებით შეგვქმნა. ყოველდღე, „საღამოხანს“, ღმერთი მიდიოდა ედემის ბაღში ახალშექმნილ წყვილთან სასაუბროდ. ღმერთი მათ ესაუბრებოდა მათ ყოველდღიურ ცხოვრებაზე და ტკბებოდა მათთან ურთიერთობით, რადგან ისინი მის მსგავსად იყვნენ შექმნილნი. თავის სიტყვაში ღმერთი თავის შვილებს გვიწოდებს ჩვენ.

არც ერთი სხვა რწმენა არ გვთავაზობს ღმერთთან ასეთ პირად ურთიერთობას, ღმერთთან, რომელსაც უყვარს თავის ქმნილებასთან დროის გატარება. 

სამწუხაროდ, კაცობრიობის ეს თავდაპირველი დანიშნულება დაიკარგა იმავე ედემის ბაღში. ხასიათის ერთ-ერთი თვისება, რაც ღმერთმა ჩადო ადამიანთა მოდგმაში ჩვენი ღვთაებრივი ბუნების ნაწილად, გახლავთ თავისუფალი ნება. ჩვენ ვირჩევთ, გავყვეთ თუ არა მას. ჩვენ ვირჩევთ, ვირწმუნოთ და დავემორჩილოთ ღმერთს თუ ავუჯანყდეთ მას. ედემის ბაღში ცოდვით დაცემა  იქცა ქმნილების, ისტორიისა და კაცობრიობის ტრაგედიად.

ღმერთმა დასაწყისიდანვე შესანიშნავად იცოდა ამ ალბათობის შესახებ. ამგვარად, სანამ რაიმეს შექმნიდა, მან უკვე გამონახა გზა ადამიანთათვის მამა ღმერთთან დასაბრუნებლად. სწორედ ამიტომ უწოდებს გამოცხადების წიგნი იესოს „სოფლის დასაბამიდან დაკლულ კრავს“ (გამოცხ.13:8). ეს ნიშნავს იმას, რომ შესაქმემდე ღმერთს უკვე ესმოდა, რომ მას კაცობრიობისთვის უნდა გაეხსნა გზა გამოსყიდვის მეშვეობით.

გზა და საშუალება, რომლის მეშვეობითაც ხსნა მოუვლინა ღმერთმა ადამიანთა მოდგმას, საოცრად უსვამს ხაზს ადამიანის კეთილშობილებას. ჯერ კიდევ დავითმა, ისრაელის მეფემ, გააცნობიერა ის, რომ ხარებისა და ვერძების მსხვერპლად შეწირვა არ იქნებოდა საკმარისი ღვთის მიერ თავის ხატად და მსგავსად შექმნილ ადამიანთა ასაღორძინებლად. ამ ამოცანის აღსასრულებლად ღმერთი თავად უნდა ჩამოსულიყო დედამიწაზე თავის მხოლოდშობილ ძეში. ამგვარად, ქრისტეს შობა ხაზს უსვამს ადამიანის დიდებულ მოწოდებას.

„სიტყვა ხორცად იქცა და დაემკვიდრა ჩვენს შორის, მადლითა და ჭეშმარიტებით სავსე. და ვიხილეთ დიდება მისი, დიდება მხოლოდშობილისა მამის მიერ“ (იოან.1:14)

ებრაელ წინასწარმეტყველთა მეშვეობით უკვე გაცხადებული იყო, რომ ის, ვინც თავისი ხალხის გამოსასყიდად მოვიდოდა, ეწოდებოდა „ემანუელი“, „ძლიერი ღმერთი“ და „საუკუნო მეფე“.

მაშასადამე, შობა წარმოადგენს ღვთიურ დადასტურებას იმისას, რომ ჩვენ ვართ „ღვთის ხატად“ შექმნილნი. ესაა ღმერთისმიერი ამბორი მიმართული ჩვენი კეთილშობილების აღორძინებისკენ. ქრისტეს შობით, სიკვდილითა და აღდგომით მოხდა ჩვენი აღორძინება და დაბრუნება ზეციურ ოჯახში. აი, ამიტომაც არ რცხვენია იესოს გვიწოდოს ძმები.

რა საოცარი ჭეშმარიტებაა! ღმერთი მოვიდა ჩვენ შორის დასამკვიდრებლად. ანგელოზები ხმამაღთლა ადიდებდნენ მას: „დიდება მაღალთა შინა ღმერთს, მშვიდობა ქვეყნად და სათნოება კაცთა შორის!“ (ლუკ.2:14). ქრისტე გამოჩნდა, როცა მოაწია ჟამის სისავსემ და თავისი გამოჩენით აღადგინა მშვიდობა ღმერთსა და კაცობრიობას შორის და ამით გამოხატა თავისი კეთილი ნება თავის ხატად და მსგავსად შექმნილ ადამიანთადმი.

ამგვარად, მოდით, მადლობა შევწიროთ ღმერთს მისი საოცარი მოწოდებისთვის, რომელიც გვიხმობს მის ოჯახში გაერთიანებისკენ. მოდით, დავდოთ პირობა, რომ ღირსად მივყვებით ამ კეთილშობლიურ მოწოდებას.

„რაკიღა იცით, რომ ხრწნადი საფასით – ოქრო-ვერცხლით როდი ხართ გამოსყიდულნი მამათა მიერ მოცემული ამაო ცხოვრებისაგან, არამედ უმანკო და უბიწო ტარიგის – ქრისტეს ძვირფასი სისხლით, ქრისტესი, რომელიც ჯერ კიდევ ქვეყნის შექმნამდე იყო წინასწარ განჩინებული, მაგრამ მხოლოდ უკანასკნელ დროს გამოჩნდა თქვენთვის…“(1 პეტრე 1:18-20)

ICEJ-ის ხელმძღვანელობისა და იერუსალიმის და მთელი მსოფლიოს პერსონალის სახელით, გიწვდით ხელს და ვლოცულობთ თქვენთვის და თქვენი საყვარელი ადამიანებისთვის და გილოცავთ შობას საუკეთესო სურვილებით! დაე, ღმერთმა გამოგვიყენოს ძლიერად დამდეგ წელს თავისი რჩეული ერის, ისრაელის. საკურთხებლად.

დოქტორი იურგენ ბიულერი, ICEJ-ის აღმასრულებელი დირექტორი

თარგმნა: ნინო  ხუროშვილმა.

ეს ტერაქტი, რომელიც იყო გახრწნილი მთელი თავისი ბუნებით, იყო ტერორისტული თავდასხმების და არეულობის უკანასკნელი სერია, რომელიც განხორციელდა პალესტინელების მიერ იერუსალიმის გარშემო. ძალადობის ტალღამ გასულ თვეში 11 ებრაელის გარდაცვალება გამოიწვია, თუ არ ჩავთვლით კიდევ მრავალ ადამიანს რომელიც დაზარალდნენ ბოლო 2 წლის განმავლობაში. კიდევ ბევრი დაშავდა და დასახიჩრდა ცხოვრებაში ამ ყველაფრის გამო.

ეს იმას ნიშნავს, რომ ისრაელის ოჯახებს დაემატათ ახალი ღრმა ჭრილობები, რადგან მათ დაკარგეს ახლობლები და ნათესავები. მეუღლეებმა დაკარგეს ქმრები, დედებმა დაკარგეს შვილები და ათასობით ბავშვი ახლა ობოლია.

საერთაშორისო ქრისტიანული საელჩო იერუსალიმიდან  განსაზღვრულია, რათა ანუგეშოს და დაეხმაროს ტრავმირებულ ოჯახებს. ამ მხრივ, უნიკალური შესაძლებლობა გაეხსნა ქრისტიან საელჩოს, რომ დაეხმაროს ამ ოჯახებს, რომლებიც დაზარალდნენ ჰარ ნოფის თავდასხმის დროს სინაგოგაში.

ამ განსაკუთრებულ კვირაში, ICEJ აფინანსებს “შაბათის განმარტოებას”, 24 ბავშვს, რომელმაც დაკარგა თავისი მამა ამ თავდასხმის დროს. ისინი გალილეის სასტუმრო სახლებში დარჩებიან და მიიღებენ ექსპერტების მომზადებულ სპეციალურ კონსულტაციას, რომელთაც შეუძლიათ ტერორიზმის მსხვერპლებთან მუშაობა. მათ ასევე გაუწევენ მკურნალობას და ჩაუტარებენ ბიბლიურ გაკვეთილებს სანამ ისინი კვლავ დაუბრუნდებიან თავიანთ ოჯახებს შემდეგ კვირაში.

არის კიდევ მრავალი ბავშვი, რომელთა მამები სინაგოგის თავდასხმაში მიღებული მძიმე ტრამვების გამო საავადმყოფოებში რჩებიან და ჩვენთვის კარი ღიაა, რომ მათაც დავეხმაროთ უახლოეს მომავალში. ჩვენ ასევე დავეხმარებით იმ გარდაცვლილი პოლიციელების ოჯახებს, რომლებმაც თავი გაწირეს ამ თავდასხმის დროს თანამემამულე ისრაელის მოქალაქეების დასაცავად.

ასე რომ, თქვრნ გაქვთ შანსი დაგვეხმაროთ, რომ ვანუგეშოთ და ვუმკურნალოთ სიონში მგლოვიარეებს. ამ ოჯახების საჭიროება დიდია, მათი მომავალი კი გაურკვეველი და ამჟამად ვრცელდება მსოფლიოში ახალი ამბები, რომ ქრისტიანები ეხმარებიან მათ. ავრცელებენ ძლიერ და დროულ დამოწმებას, რომ ქრისტიანები მართლაც ზრუნავენ.

ამიტომ გთხოვთ, გაიღეთ მაქსიმუმი რაც შეგიძლიათ, რათა დაეხმაროთ ისრაელს ამ კრიზისის დროს. შეგილიათ გააკეთოთ პირდაპირი შემოწირულობა ჩვენი ვებ-საიტის მეშვეობით – www.icej.org

დოქტორი იურგენ ბუელერი

საერთაშორისო ქრისტიანული საელჩოს აღმასრულებელი დირექტორი

ჩვენ სულ რაღაც ახლახანს ავღნიშნეთ კიდევ ერთი მშვენიერი კარვობის დღესასწაული იერუსალიმში. თითოეული დღესასწაულის შემდეგ, ხალხი მოდის და ამბობს, “ეს იყო საუკეთესო დღესასწაული რაც კი ოდესმე მინახავს!” ეს მართლაც ყოველთვის ასეა, რადგან ღმერთი გვაჩვენებს თავის დიდებულებას და უნიკალურს ხდის ყოველ წელს ამ დღესასწაულს. მაგრამ ამ წელს მართლაც ისტორიული შეკრება იყო და ჩვენ ვიგრძენით, რომ ეს დღესასწაული იყო მრავალი გარღვევის დღე!

პირველ რიგში, უფალმა გვაჩვენა, რომ ის ისევ და ისევ ჩვენი ერთგულია. ღაზას კონფლიქტის გამო ზაფხულის ბოლო თვეებში ტურიზმი ჩაფლული იყო. ეს ჩვენც ვიგრძენით, დღესასწაულამდე რამდენიმე თვით ადრე. თუმცა, მიუხედავად ომისა, გასული წლის დასწრებასთან შედარებით ჩვენ ვნახეთ აუდიტორიის 20% -ზე მეტი ზრდა . ეს იყო ერთ-ერთი უძლიერესი დღესასწაული წლის სხვა აქტივობებს შორის!

გარდა ამისა, ისრაელის პრეზიდენტი პირველად დაესწრო ამ დღესასწაულს. ეს იყო მართლაც ისტორიული ფაქტი, რომ გენახა პრეზიდენტი რეუვენ რივლინი, როგორ წარსდგა ხალხის წინაშე, როგორ წარადგინა ისრაელი, ებრაელი ერი და ებრაელთა მსოფლიო კონგრესის პრეზიდენტი რონალდ ლაუდერი. მაგრამ კიდევ უფრო საინტერესო იყო მათი სითბო, ისინი მოუწოდებდნენ რომ ქრისტიანებსა და ებრაელებს შორის გაძლიერებულიყო თანამშრომლობა.

წლევანდელი კარვობის დღესასწაული მართლაც გარღვევის დღესასწაული იყო სხვა მხრივაც. პირველი ღამის შემდგომ, ჩვენ გამოვცადეთ ღმერთის თანდასწრების ძლიერი ძალა და რამდენიმე ადამიანი სასწაულებრივად განიკურნა. იერუსალიმის არენაც დიდი კურთხევა იყო ჩვენთვის, რადგან ახლა ჩვენ შეგვიძლია იმაზე მეტი ქრისტიანის მიღება იერუსალიმში, ვიდრე აქამდე.

ყველა მომლოცველმა გაიზიარა ჩვენი სიხარულის გრძნობა ამ დიდ ახალ გარემოში, რომელიც გვთავაზობს ზრდის პოტენციალს. ღმერთს რაღაც ახალი და საინტერესო აქვს გამზადებული ჩვენთვის. მე ვიცი, რომ მალე ახალი 10,000 კაციანი არენა გაივსება სხვადასხვა ქვეყნიდან ჩამოსული მომლოცველებით, რომელიც განადიდებს უფალს. მე ნამდვილად მჯერა, რომ კარვობის დღესასწაულის საუკეთესო წლები ჯერ კიდევ წინ არის. ასე რომ, როგორც თქვენ ხედავთ ბევრი საინტერესო რამ მოხდა ამ დღესასწაულზე და გთხოვთ ილოცოთ, რომ თქვენც იყოთ მოვლენების განვითარების მონაწილე. ჩვენ არ გვინდა რომ გამოტოვოთ დღესასწაულის შემდეგი სეზონი.

უხვი კურთხევები იერუსალიმიდან

დოქტორ იურგენ ბულერი
ICEJ-ის აღმასრულებელი დირექტორი

ძვირფასო მეგობრებო,

ისრაელის თანამედროვე აღორძინება წარმოადგენს მკვეთრ ცვლილებას ხსნის ღმერთისეულ ისტორიაში. თავად ღმერთი არასოდეს იცვლება (მალაქია 3:6), ის ადგენს დრო-ჟამს, მაგრამ სხვადასხვა დროს სხვადასხვანაირად მოქმედებს და დღეს, ისრაელის ცხოვრებაში, სწორედ ამის მოწმენი ვართ, რადგან დადგა ჟამი უფლის მოწყალებისა სიონისადმი. მართლაც, უფალი აცხადებს: „ახლა ისეთი აღარ ვარ, როგორც იმ დღეებში, ამ ერის ნატამალისთვის“ (ზაქარია 8:11). უფალი ახალი ეპოქას იწყებს ისრაელისადმი დამოკიდებულებაში.

წინასწარმეტყველი ფიქრობდა, რომ მისი ერის მდგომარეობა არ გაუმჯობესდებოდა, თუმცა, სწორედ ამ დროს, ღმერთმა მოსალოდნელ ცვლილებათა შესახებ გაუცხადა მას: „როგორც ბოროტის ქმნა განვიზრახე თქვენთვის… კვლავ განვიზრახავ ამ დღეებში სიკეთის ქმნას იერუსალიმისთვის“ (ზაქარია 8:14; 15).

სრულიად შეიცვლებოდა ყოველივე და ყოველი ბრძოლა და მარცხი სასიკეთოდ მოუბრუნდებოდათ. ხალხი, რომელიც საწყევარად იყო სხვა ერებს შორის, ახლა საკურთხებლად იქნება ყველასთვის (ზაქარია 8:9-14). და აი ახლა, როცა წარმოუდგენელი ცვლილებები ხდება, ღმერთი ორჯერ მოუწოდებს თავის ერს: „გაიმაგრეთ ხელები!“ (მე-9 და მე-13 მუხლები).

სხვა სიტყვებით, ღმერთს უნდოდა ცვლილების მოხდენა ისრაელში, მაგრამ მას ამის მიღწევა ადამიანთა მეშვეობით სურდა. ამიტომაც, ღმერთმა ასე მტკიცედ მოითხოვა: „გაიმაგრეთ ხელები და იმოქმედეთ!“
ამგვარი დაპირებანი ყოველთვის ახალ შესაძლებლობათა მომასწავებელია, მაგრამ ყოველ ახალ შესაძლებლობას პასუხისმგებლობაც მოჰყვება. მოსავლის ასაღებად მუშაკნი არიან საჭირონი, რათა ბეღელი ხორბლით გაივსოს. ისრაელისათვის დამდგარი მოსავლის აღების დრო დიდებულ შესაძლებლობას გვაძლევს, რომ ვიყოთ ქრისტეს თანამშრომელნი გამოსყიდვის ისტორიის ამ ამაღელვებელ ჟამს.

ეს გამოცემა, ჟურნალი სიტყვა იერუსალიმიდან  კვლავ მოგაწოდებთ ინფორმაციას იმ მრავალი ახალი შესაძლებლობის შესახებ, რომელთაც ღმერთი გვაძლევს. მიუხედავად იმისა, რომ გვაქვს შესანიშნავი ახალი ადგილი კარვობის დღესასწაულის ჩასატარებლად იერუსალიმში, მიუხედავად იმისა, რომ ვშრომობთ ჰოლოკოსტს გადარჩენილ ადამიანებთან ჰაიფაში, აშდოდში მცხოვრებ გაჭირვებულ ხალხს ვეხმარებით საპასექოდ, ან უკრაინიდან ჩამოსულ ახალ ემიგრანტებს ვუწვდით დახმარებს ხელს, ახალი შესაძლებლობა მაინც ძალიან ბევრია და ამასთან, უზარმაზარიც.

თქვენი თანამშრომელი ქრისტეში,

ICEJ - ის დირექტორი იურგენ ბიულერი

„მოხარულნი ვართ, რომ დღესასწაულზე, ჩვენთან ერთად იმყოფებიან ისრაელიანი ერის წარმომადგენელი პრეზიდენტი რივლინი და მთელს მსოფლიოში ებრაელთა წარმომადგენელი პრეზიდენტი რონალდ ლაუდერი, რომლებიც გულთბილად მოგვმართავენ ჩვენი მოძრაობისათვის ასეთი ისტორიული მნიშვნელობის მქონე დროს. ასევე, პრემიერ-მინისტრმა ნეთანიაჰუმ კიდევ ერთხელ მოგვილოცა მას შემდეგ, რაც რამდენიმე კვირის წინ მადლიერების წერილი გაუგზავნა ქრისტიანულ საელჩოს, ხალხისათვის ჩვენ მიერ გაწეული დახმარებისათვის ზაფხულში მომხდარი კონფლიქტისას,“ − განუცხადა სქსი-ის აღმასრულებელმა დირექტორმა, დოქტორმა იურგენ ბიულერმა, იქ შეკრებილ სტუმრებს.

პრეზიდენტმა რივლინმა თავისი გამოსვლა დაიწყო შემდეგი სიტყვებით: „დიდად მოხარული ვარ თქვენი, ისრაელის მეგობრების და ისრაელის სახელმწიფოს მხარდამჭერთა, ხილვით და მოგესალმებით წმინდა მიწაზე თქვენი მოგზაურობის დასაწყისში.“

„საუკუნეების განმავლობაში, ისრაელიანი ერი ასეულობით დიასპორად იყო დაფანტული, საკუთარი სამშობლოდან შორს. ყველგან, ყველა ადგილზე, ვცხოვრობდით და გვენატრებოდა სამშობლო, ვწუხდით და ვისწრაფოდით აბრაამის, ისაკის, იაკობის, დავითისა და სოლომონის მიწისკენ.“

დღეს, როცა ასეთ გამოწვევათა წინაშე ვდგავართ ასეთ ცვალებად დროს, ეს ხედვა ყველაზე მეტად დროულია, ვიდრე ოდესმე,“ განაგრძო რივლინმა. „ქრისტიანულ საზოგადოებასთან სიონიზმის კავშირს ღრმა ისტორიული ფესვები გააჩნია. ისრაელის სახელმწიფოს დააარსებამდე მრავალი წლით ადრე, სიონისტურ მოძრაობას ეხმარებოდნენ სხვადასხვა რეგიონში მცხოვრები მეგობრები და მხარდამჭერები. მას შემდეგ, დღემდე ეს მეგობრობა უფრო გაძლიერდა და გახლავთ მტკიცე მაკავშირებელი სხვა ქვეყნებსა და საზოგადოებათა შორის მთელს მსოფლიოში.“

„გმადლობთ თქვენი მეგობრობისათვის. გმადლობთ თქვენი ერთგულებისათვის. გმადლობთ თქვენი უწყვეტი ნდობისა და მხარდაჭერისათვის,“ − დასძინა მან.

„სუქოთის ფესტივალის მიმდინარეობისას ჩვენ მადლობას გიხდით და დიდად ვაფასებთ ისრაელის და იერუსალიმის მოყვარულთა მონაწილეობას ამ დღესასწაულით გამოწვეულ სიხარულსა და ესაია წინასწარმეტყველის სიტყვების აღსრულებაში:  „ანუგეშეთ, ანუგეშეთ, ჩემი ხალხი, ამბობს თქვენი ღმერთი. მოუოხეთ გული იერუსალიმს და ახარეთ, რომ დასრულდა მისი ლაშქრობა, რომ მიტევებულია მისი დანაშაული…“ (ესაია 40:2), −  განაცხადა რივლინმა.

„გმადლობთ, ჩემო ქრისტიანო დებო და ძმებო, იმისათვის, რომ ისრაელის გვერდით დგახართ ამ რთული წლის განმავლობაში,“ − თქვა ლაუდერმა თავის მხრივ, „ასევე, გმადლობთ, რომ აქ ხართ, იერუსალიმში, ისრაელის ებრაული სახელმწიფოს ერთიან დედაქალაქში. ისრაელს მსოფლიოში თქვენზე უკეთესი მეგობრები არ ჰყავს. ჩვენ ვიცით, რომ თქვენ ზრუნავდით და ჩვენც ყოველთვის ვიზრუნებთ თქვენზე. ფაქტია, რომ ახლო აღმოსავლეთში მცხოვრებ ქრისტიანთათვის ისრაელზე უსაფრთხო ადგილი არ არსებობს,“ − დაამატა მან.

„ისრაელში ქრისტიანებს შეუძლიათ უშიშრად ილოცონ. ისრაელში ქრისტიანთა სიწმინდენი დაცულია. ისრაელში ქრისტიანებს არ ეშინიათ, რომ მათ სიცოცხლეს საფრთხე შეექმნება. აქ, ისრაელის ებრაულ სახელმწიფოში, ქრისტიანი მოსახლეობის რიცხვი იზრდება და არ მცირდება,“ − შენიშნა ლაუდერმა.

„უკანასკნელი ათი წლის განმავლობაში, ახლო აღმოსავლეთსა და აფრიკაში ყოველწლიურად დახოცილ ქრისტიანთა რაოდენობა 120,000-ს აღწევს. სხვებმა გაქცევით უშველეს თავს. ქრისტიანებისადმი მიმართული ეს სიშმაგე შემთხვევითი არ ყოფილა, მათი მდევნელნი განზრახ სჩადიოდნენ ამას,“ − უთხრა ლაუდერმა შეკრებილთ.

მან ასევე დაამატა, რომ ხმა აიმაღლა შევიწროებულ ქრისტიანთა დასაცავად, რადგან, „როცა ასეულობით ათას ქრისტიანს კლავენ, ეს ომი არ არის, ეს გენოციდია. ებრაელებმა იციან, რა ხდება მაშინ, როცა გენოციდის შემყურე მსოფლიო დუმს. ჩვენ ამის მწარე გამოცდილება გაგვაჩნია და არ გვსურს, რომ ეს კვლავ განმეორდეს არც ჩვენი, არც თქვენი და არც სხვა ადამიანთა შემთხვევაში.“

„ახლა უფრო დარწმუნებული ვარ, ვიდრე ოდესმე, რომ ჩვენ უნდა გავაერთიანოთ ჩვენი ძალები,“ − თქვა ლაუდერმა, „ებრაულ-ქრისტიანული კოალიციის შექმნას ნამდვილად აქვს აზრი. ქრისტიანებმა და ებრაელებმა ერთხმად უნდა აიმაღლონ ხმა და უთხრან მსოფლიოს, რომ კმარა დისკრიმინაცია, კმარა ტერორი, კმარა სიკვდილი და კმარა დუმილი!“

ლაუდერმა ასევე ისაუბრა მსოფლიოში მზარდი ანტი-სემიტიზმის პრობლემის შესახებ და თქვა, რომ „იგივე ხალხი გიჭერთ მხარს, ვინც ჩვენ გვიდგას გვერდით. სწორედ ამიტომ უნდა გაერთიანდნენ ქრისტიანბი და ებრაელები და იმოქმედონ ერთობლივად. ჩვენ უნდა ყოველთვის გვახსოვდეს ჩვენი საერთო ფასეულობანი და ჩვენი საერთო წარსული.“

„სუქოთის დღესასწაული გვახსენებს იმის შესახებ, რომ ერთობა ის ძალაა, რომელსაც ყოველთვის ძალუძს ჩვენი დახმარება, როცა ჩვენი საკუთარი იარაღი შეიძლება გაცვდეს… ებრაელები ყოველთვის დიდ გამოწვევათა წინაშე იდგნენ, მაგრამ, ღვთის შეწევნით, ყოველთვის სძლევდნენ გასაჭირს. დღეს, არსებობს ერთი დიდი განსხვავება: დღეს ჩვენ მარტონი არ ვართ. ნებისმიერ რაიმეს, რაც გზაზე გადაგვეღობება, ჩვენ თქვენთან ერთად დავხვდებით,“ − განაცხადა ლაუდერმა.

ლაუდერმა ძალიან გულთბილად დაასრულა ქრისტიანული თავყრილობისადმი მიმართული თავისი სიტყვა ტიმოთეს მიმართ მოციქულ პავლეს მეორე წერილიდან: „…ღმერთმა შიშის სული როდი მოგვცა, არამედ ძლიერების, სიყვარულისა და თავდაჭერისა.“

„ეს სწორედ ისაა, რასაც ვამბობთ თორაში–( მოსეს ხუთ წიგნეული), რომ არ უნდა გვეშინოდეს, უნდა ძალა მოვიკრიბოთ,“ − განაცხადა ლაუდერმა. „ეს სიტყვები მსოფლიო ებრაელთა კონგრესის პრეზიდენტის სიტყვები კი არაა, არამედ გაცილებით მაღალი წყაროდან მოედინება. ნუ შეგეშინდებათ, იყავით მამაცნი, იყავით ძლიერნი. ჩვენ ერთად ვიქნებით ძლიერნი და ერთად არ დავეცემით!“

რონალდ ლაუდერი

თარგმნა : ნინო ხუროშვილმა

(იოანე 7:2- “ახლოვდებოდა იუდეველთა დღესასწაული, კარვობა.”) – იუდეველთა დღესასწაულებს შორის ერთ-ერთი დიდებული დღესასწაული (მეორე რჯული 16:12-“და გახსოვდეს, რომ მონა იყავი ეგვიპტეში, და დაიცავი და შეასრულე ეს წესები.”), იწყებოდა მეშვიდე თვის მე-15 დღეს, გრძელდებოდა 7 დღე და მთავრდებოდა მე-8 დღეს, მას ერქვა უპირატესობის მხრივ ყველაზე წმინდა და დიდებული დღესასწაული (იოანე 7:37- “დღესასწაულის უკანასკნელ დღეს ადგა იესო, შესძახა და თქვა: “თუ ვინმეს სწყურია მოვიდეს ჩემთან და შესვას.”).

ეს დღესასწაული დაინიშნა ებრაელების ეგვიპტიდან აღთქმული ქვეყნისკენ მიმავალ გზაზე 40-წლიანი ხეტიალის სამახსოვროდ. ერი მთელი ამ დღესასწაულის მანძილზე გამოდიოდა თავიანთი საცხოვრებელი სახლებიდან და ცხოვრობდნენ კარვებში, რომლებსაც აკეთებდნენ ხის აყვავებული ტიტებისგან და მხიარულად ატარებდნენ ამ დროს კარვებში, მხიარულობდნენ უფლის წინაშე (ლევ 23:39-43). როგორც ზემოთ იყო ხსენებული, სუქოთის (კარვობის) დღესასწაული იმართებოდა შემოდგომაზე, მოსავლის აღების შემდეგ, როდესაც ერი უკვე თავისუფალი იყო, ამიტომაც აღნიშნავდნენ ასე მხიარულად (მეორე რჯ 16:13-14 “იზეიმეთ კარვობის დღესასწაული, როდესაც შენი კალოდან და საწნახელიდან მოიწევ მოსავალს. და იხარე შენს დღესასწაულებში, შენ და შენმა ძეებმა, შენმა მსახურებმა, შენმა მხევლებმა და ლევიანმა, რომელიც შენს კარიბჭეებშია, და ხიზანმა, ობოლმა და ქვრივმა.”).

ამ დღესასწაულის გაგრძელებისას მოჰქონდათ ბევრი მსხვერპლი, ამათ გარდა ყოველ დილას ტაძარში სრულდებოდა მსხვერპლაღმავლობა. კარვობის დღესასწაულის დროს ასევე ხალხს უკითხავდნენ და უხსნიდნენ კანონებს (იოანე 7:14-15 “და უკვე შუა დღესასწაულზე ავიდა იესო ტაძარში და ასწავლიდა. და გაუკვირდათ იუდეველებს და თქვეს: როგორ იცის ეს წერილები უსწავლელადო?”). და ბოლოს პალმის და სხვა მწვანე ტოტებით ხელში, ტაძარში მხიარულად უმღეროდნენ ღმერთს ქების სიმღერებს. ამ სასიხარულო დღესასწაულზე თვით უფალი იესოც მიდიოდა ტაძარში და ასწავლიდა ხალხს (იოანე 7 თავი).

სალომე ჯებისაშვილი.

שנה טובה ומבורכת ליהדות גאורגיה!!!- מהשגרירות הנוצרית הבינלאומית ירושלים

გასული ორი თვის მანძილზე, როდესაც გაიტაცეს და შემდეგ დახოცეს სამი მოზარდი და ისრაელმა გაუძლო მრავალ საჰაერო, საზღვაო დასახმელეთო ტერორისტულ შემოტევებს, საერთასორისო ქრისტიანული საელჩოს მხარდაჭერა იყო ძალისა და გამხნევების სათავე ისრაელის მოქალაქეებისა და ჯარისკაცებისთვის რომლებიც მათ იცავდნენ.

მე ვიყენებ ამ შესაძლებლობას რათა მადლობა გადაგიხადოთ საელჩოს, ხალხისა და ისრაელის სახელმწიფოს სახელით, თქვენი მეგობრობისთვისა და დიდსულოვნებისთვის, ყოველმხრივ დაცული ოპერაციებისთვისა და სათანადო ძალისხმევისთვის რომელსაც იჩენთ ისრაელისა და მთელი მსოფლიოსთვის.

გულითადად თქვენი ბენჟამინ ნეთანიაჰუ

ჩემთვის დიდი პატივია მივესალმო ICEJ-ის გლობალური ოჯახის ახალ განყოფილებას.

საერთაშორისო ქრისტიანული საელჩო იერუსალიმი დაარსებულ იქნა 1980 წელს, აღიარებს იერუსალიმის ბიბლიურ მნიშვნელობას და მის უნიკალურ კავშირს ებრაელ ხალხთან. დღეს ის წარმოადგენს მილიონობით ქრისტიანს, ეკლესიებს და დენომინაციებს ერებისათვის და ხალხისათვის. ჩვენ ვაღიარებთ ისრაელის სახელმწიფოს აღდგენას, ღმერთის ერთგულებას რომ შეასრულოს თავისი უძველესი აღთქმა ებრაელ ხალხთან.

ჩვენი სამუშაო თავისი სათაო ოფისით იერუსალიმში წვდება 140 ქვეყანაზე მეტს ფილიალს 70 ერში, ICEJ საქართველოს ფილიალი არის ამ ყველაფრის გაგრძელება.

ჩვენი ხედვაა რომ მივწვდეთ მორწმუნეებს და ეკლესიებს დედამიწის ყველა ერიდან და ჩვენ ვადგავართ კიდეც ამ გზას.

კიდევ ერთხელ, კეთილი იყოს თქვენი მობრძანება ოჯახში!

ყოველგვარი კურთხევებით,

რევ. ჯუჰა ქეთოლა

საერთაშორისო დირექტორი
საერთაშორისო ქრისტიანული საელჩო
იერუსალიმი საფოსტო ყუთი 1192
იერუსალიმი, ისრაელი 91010
T: 02 539 9700 | F: 02 561 1762 | WWW.ICEJ.ORG